ەلباسىنىڭ «تسيفرلىق قازاقستان» باعدارلاماسى اياسىندا جۇزەگە اسقان جوبا ءبىلىم ساپاسىن ارتتىرۋ, باقىلاۋ جانە ەكى جاقتى بايلانىس ورناتۋعا باعىتتالعان. اتا-انالار بالالارىنىڭ وقۋ ۇلگەرىمىن مەكتەپكە كەلمەي-اق, ەلەكتوندى كۇندەلىك ارقىلى باقىلاي الادى. سايتتا بۇدان وزگە ادىستەمەلىك ادەبيەتتەرمەن قوسا, ءتۇرلى كەڭەستەر مەن اقپاراتتار جۇكتەلگەن.
«بۇگىندە ەلەكتروندى كۇندەلىك جۇيەسىن قالاداعى 57 مەكتەپ پايدالانادى. قالادا 58 700 وقۋشى ءبىلىم السا, بۇل كورسەتكىش جالپى وقۋشى سانىنىڭ 83 پايىزىن قۇرايدى. جىل سوڭىنا دەيىن پايدالانۋشىلار سانىن 100 پايىزعا جەتكىزەمىز. قاعاز تۇرىندەگى جۋرنالدى پايدالانباۋ تۋرالى مينيسترلىكتەن ارنايى بۇيرىق بەكىتىلگەن بولاتىن. ەلەكتروندى كۇندەلىك ارقىلى اتا-انالار ساباق كەستەسىن, وتكىزىلەتىن شارالار,اشىق ساباق تۋرالى ماعلۇماتتى ءبىلىپ وتىرادى. ياعني, بۇل اتا-انا مەن مۇعالىم اراسىنداعى بايلانىستى ورناتاتىن جۇيە بولىپ تابىلادى» - دەيدى اتىراۋ قالاسى اكىمىنىڭ ورىنباسارى مەيىرىم قالاۋي.
ايتا كەتەيىك, kundelik.kz جۇيەسى 2016 جىلدىڭ 1 قىركۇيەگىندە ىسكە قوسىلعان بولاتىن.
